En lisant ce poème de Paul Arène il m'est revenu le souvenir de cette photo. Faite à Celle Ligure, une nuit d'Août 2005, elle est encore en moi un des ces bons souvenirs, calme, de la vie...
Minuit allait sonner ; la lune, elle, scintillait sur le Golfe... & nous, nous admirions là.
Douceur d'un été passé!
BRINDE À LA LUNE
Un jour qu’aviéu d’argènt de rèsto
D’aquéu jour n’en sara parla!
Croumpère pèr me faire fèsto,
Un got de vèire escrincela.
Oh! capouchin! lou flame vèire!
Es tout flouri! fai gau de vèire!
Lou soulèu jougavo dedins
Coume un limbert dins un jardin.
Fau que lou touca pèr que dinde
Tant es resclantissènt e lis;
Sus la maniho en cristau linde
Un satire s’agroumoulis;
E grava clar, vesès dessouto
Un pichot bos, uno grand routo...
Lou soulèu jougavo dedins
Coume un limbert dins un jardin.
Long de la panso en fino taio,
Dins lou cristau pur comme argènt,
I’a ‘no ninfo que se miraio
I fres cacalas d’un sourgènt.
Pieta! l’image, misto e neto,
Retrais un pau ma chatouneto...
Lou soulèu jougavo dedins
Coume un limbert dins un jardin.
Lou bon vin fai l’amo revoio
Un sero qu’ère tout soulet
Vouguère béure un pau de joio
Au meravihous goubelet
Ges de vin!... E de moun martire
Lou poulit got semblavo rire...
La luno dansavo dedins
Coume un limbert dins un jardin.
Tron-de-bon-goi! Ah! caspitello!
Aniue vole béure e béurai:
Basto de béure un rai d’estello
Vole m’embriaga d’un rai!
D’un rai d’estello o bèn de luno
Vole pourta ‘n brinde à ma bruno...
La luno dansavo dedins
Coume un limbert dins un jardin.
Quau a ‘gu vist giscla ‘no tino?
La luno, es de crèire pamen!
Pèr lou trau d’un téule, argentino,
Gisclavo ansin, poulidamen
Agante lou vèire, lou leve,
Apare un moumenet, pièi beve...
La, luno dansavo dedins
Coume un limbert dins un jardin.
Ah! mis ami! queto clareto!
S’es jamai begu rèn de tau
Qu’un fiéu de luno belugueto
Que perlejo dins lou cristau.
Lou cresès pas? Venès lou vèire:
Iéu me vaqui, vaqui lou vèire.
E lou soulèu jogo dedins
Coume un limbert dins un jardin.
Beziés, óutobre 1871.
Aucun commentaire:
Enregistrer un commentaire