lundi 8 décembre 2014

LOUIS ASTRUC : LI BIJOUT DE MIRÈIO







LI BIJOUT DE MIRÈIO 




Sus l’Album de Mlle Mirèio Roumieux. 



Bijout sènso parié, quand vesès sout la ramo 
Dos agrioto unido em’un liame verdau; 
O bessouno de l’art, pendènt coulour de flamo, 
L’esmeraudo, dirias, poutouno lou courau! 

Tambèn pèr Mireieto es la beloio qu’amo: 
Quand vai faira la fueio enquauque champ de Crau, 
Proche de soun còu brun li pendeloto flamo 
Esbrihon, e Vincèn tèn plus sus lou carrau... 

E iéu, iéu que d’eici vese, Madamisello, 
Sourrire vosto bouco, oh! vòsti labro alor 
Segur an la frescour dis agrioto bello; 
E se de Vincenet aviéu lou parla d’or, 
Vous diriéu que jamai la plus richo daurèio 
Vauguè frescour, jouvènço e voste noum, Mirèio! 


LOUIS  ASTRUC. 


En Crau, Mai 1877.



*+*+*+*


Aucun commentaire: